“Арсенал” бош мураббийи Микель Артета Англия кубоги 1/32 финалидаги “Ноттингем Форест”га қарши ўйин (0:1) натижалари ҳақида фикр билдирди.

“Ўйинда гол урган жамоа ғалаба қозонади ва рақиблар буни уддалади. Лекин, биз бундай қила олмадик. Жамоа етарлича ҳаракат қилмади ва бунинг учун мухлисларимиздан узр сўрашимиз керак. Мен баҳона изламоқчи эмасман. Кубокда хатолар кечирилмайди, акс холда мусобақани тарк этасан.

Бугун “Ноттингем Форест”ни меҳмонда мағлуб эта олмадик. Умуман олганда, ғалаба қозонадиган ўйин кўрсатмадик. Бу жамоавий муаммо, бугун биз муваффақиятсизликка учрадик”, - дея мураббийнинг сўзларини келтиради “BBC Sport”.

“Арсенал” навбатдаги ўйинини 13 январь куни сафарда, Лига кубоги доирасида “Ливерпуль”га қарши ўтказади.