Антуан Гризманн ўз келажаги ҳақида фикр билдирди. Франциялик футболчи “Барселона” футболчиси бўлиб, “Атлетико”да ижара асосида ўйнамоқда. Гризманн ёзда клублар ўртасидаги барча тафсилотлар ҳал бўлишига умид қилмоқда.
“Мен Симеоне билан “Атлетико”да ўйнашни хоҳлайман. Буни мен ҳақиқатан ҳам истайман. Мен бу ерга қайтганимдан хурсандман. Фаолиятимни Мадридда давом эттиришга умид қиламан.
Ишонаманки, “Атлетико” менга нисбатан худди шундай ҳис-туйғуларга эга. Мен клуб билан чиройли ҳикоя ёзмоқчиман”, - деди Гризманн.
Маълумот ўрнида, футболчи жароҳати туфайли бир ойга сафдан чиққан эди. Гризманнинг қайтиши Чемпионлар Лигаси плей-офф босқичига яқинроқ кутилмоқда
