"Женоа" бош мураббийи Андрей Шевченко истеъфога чиқиш хавфи остида турибди, деб хабар бермоқда "Tuttomercatoweb".
Манба берган хабарга кўра, клуб раҳбарияти украиналик собиқ афсонавий футболчини А Сериянинг 21-турида "Специя"дан учралган мағлубиятдан кейин (0:1) истеъфога чиқариши мумкин. Унинг ўрнини аввалроқ клубга худди шундай вазиятда келган Давиде Баллардини эгаллаши кутилмоқда. Италиялик мураббий фаолияти давомида 4 марта "Женоа" бош мураббийи этиб тайинланган. Шунингдек, Роландо Мараннинг қайтиши ҳам истисно эмас. У 2020 йилнинг декабрь ойида ишдан бўшатилган эди.
Кечаги мағлубиятдан кейин "Женоа" турнир жадвалида ҳавфли зонада қолмоқда. Жамоа ҳисобида 12 очко бор (19-ўрин).
