7 январь Салоҳ учун ажойиб кун сифатида ёдда қоладиган бўлди. Аввалига у The Best соврини учун энг кучли уч даъвогарлар қаторидан жой олган бўлса, кейинчалик Adidas бутсалари (X Speedflow MS.1)га эга бўлди. Салоҳ Африка кубогида янгича бутсаларда ҳаракат қилади.
Қайд этиш керак, Adidas ушбу бренд остида чекланган миқдордаги оёқ кийимларни ишлаб чиқаради - 1069 жуфт. Бу кўрсаткич тасодифий эмас – унда рамзий маъно мавжуд. Салоҳнинг Миср терма жамоаси сафида урган голлари 45 та. Терма жамоанинг энг яхши тўпурари Ҳусам Ҳасанда эса 68 та гол мавжуд.
69 та гол Муҳаммадни Миср тарихидаги энг яхши тўпурарга айлантиради. Шуни ҳисобга олиб, бутсалар сони 1069 та. Унинг дизайни ўта жўшқин, чиройли ранг-баранг комбинацияларга эга. Товон қисмининг ўнг томонида минималистик тож акс эттирилган. Юқори классдаги дизайн кишини тезда ўзига жалб қилади.
Аммо бу ҳаммаси эмас. Салоҳ шунингдек, Adidas UltraBOOST номи остидаги кроссовкаларининг ҳам шахсий ҳуқуқига эга бўлди. Улар қора рангда бўлиб, тагига иероглифлар босиб чиқилган. Ҳаммага маълумки, бу Муҳаммаднинг туғилган жойига ишора қилади.
Салоҳдан кейин Садио Мане ҳам эксклюзив бутсаларни қабул қилиб олди. Африка кубогида сенегаллик футболчи ранг-баранг «Furon V7 'Lions Roar» оёқ кийимида ҳаракат қилади.
Унинг номи 7 январь куни эълон қилинди. Ўша куни New Balance ўз тармоғига Садио анимацияси билан замонавий видеони жойлаштирди. Унда шундай дейилган: «Мен ушбу Африка Кубогини ютиш учун барча совринларимни унга алмашган бўлардим. Менинг вақтим келди».
Бутсаларнинг пастки қисмида қуйидаги сўзлар бор: «Арслоннинг қичқириши». Бу кейинги авлодларнинг руҳлантириш рамзи ҳисобланади.
Ташқи кўринишидан бутсалар анча совуқ рангда ва ёрқин нақшларга эга. Унинг товон қисмида ҳашаматли шер ва тагида бўялган юз қиёфасидаги Маненинг сурати акс этган.
