7 yanvar Saloh uchun ajoyib kun sifatida yodda qoladigan bo‘ldi. Avvaliga u The Best sovrini uchun eng kuchli uch da’vogarlar qatoridan joy olgan bo‘lsa, keyinchalik Adidas butsalari (X Speedflow MS.1)ga ega bo‘ldi. Saloh Afrika kubogida yangicha butsalarda harakat qiladi.

Qayd etish kerak, Adidas ushbu brend ostida cheklangan miqdordagi oyoq kiyimlarni ishlab chiqaradi - 1069 juft. Bu ko‘rsatkich tasodifiy emas – unda ramziy ma’no mavjud. Salohning Misr terma jamoasi safida urgan gollari 45 ta.  Terma jamoaning eng yaxshi to‘purari Husam Hasanda esa 68 ta gol mavjud.

69 ta gol Muhammadni Misr tarixidagi eng yaxshi to‘purarga aylantiradi. Shuni hisobga olib, butsalar soni 1069 ta. Uning dizayni o‘ta jo‘shqin, chiroyli rang-barang kombinasiyalarga ega. Tovon qismining o‘ng tomonida minimalistik toj aks ettirilgan. Yuqori klassdagi dizayn kishini tezda o‘ziga jalb qiladi.

Ammo bu hammasi emas. Saloh  shuningdek, Adidas UltraBOOST nomi ostidagi krossovkalarining ham shaxsiy huquqiga ega bo‘ldi. Ular qora rangda bo‘lib, tagiga iyerogliflar bosib chiqilgan. Hammaga ma’lumki, bu Muhammadning tug‘ilgan joyiga ishora qiladi.

Salohdan keyin Sadio Mane ham eksklyuziv butsalarni qabul qilib oldi. Afrika kubogida senegallik futbolchi rang-barang «Furon V7 'Lions Roar» oyoq kiyimida harakat qiladi.

Uning nomi 7 yanvar kuni e’lon qilindi. O‘sha kuni New Balance o‘z tarmog‘iga Sadio animasiyasi bilan zamonaviy videoni joylashtirdi. Unda shunday deyilgan: «Men ushbu Afrika Kubogini yutish uchun barcha sovrinlarimni unga almashgan bo‘lardim. Mening vaqtim keldi».
Butsalarning pastki qismida quyidagi so‘zlar bor: «Arslonning qichqirishi». Bu keyingi avlodlarning ruhlantirish ramzi hisoblanadi.

Tashqi ko‘rinishidan butsalar ancha sovuq rangda va yorqin naqshlarga ega. Uning tovon qismida hashamatli sher va tagida bo‘yalgan yuz qiyofasidagi Manening surati aks etgan.