«Дерби Каунти» «Манчестер Юнайтед» ҳужумчисини ижарага олмоқчи
«Манчестер Юнайтед» ҳужумчиси Амад Диалло январь ойида Чемпионшипга «Дерби Каунти»га ижарага берилиши мумкин, деб хабар беради Daily Mail. Жамоани «қизил иблислар»нинг собиқ ҳужумчиси Уэйн Руни бошқаради.
Манба берган хабарга кўра, Диаллонинг ижараси туфайли англиялик мутахассис ҳужум чизиғини кучайтиришни кутмоқда.
Аввалроқ, «Манчестер Юнайтед» 2021 йилнинг январида Италиянинг «Аталанта» клубидан 21,3 миллион евро эвазига сотиб олган Диаллони ижарага беришга тайёрлиги хабар қилинганди.
