"Торино" ҳужумчиси Андреа Белотти фаолиятини бошқа клубда давом эттириши мумкин, дея хабар беради журналист Жанлука Ди Марсио.
Манбага кўра, "Ал-Ҳилол" 28 ёшли италиялик футболчини даъво қилмоқда. Саудия клуби туринлик футболчига катта сумма таклиф қилган, бироқ футболчининг ўзи фаолиятини Яқин Шарқда давом эттирмоқчи эмас. Олдинроқ Белотти "Ньюкасл"га ўтишдан бош тортганди.
Жорий мавсумда Белотти барча турнирларда 10 та ўйин ўтказиб, 2 та гол урди ва голли узатмани амалга оширди. Трансфермаркт портали футболчининг нархини 28 миллион еврога баҳолаган.
