"Зенит" ҳужумчиси Сердар Азмун фаолиятини Италияда давом эттириши мумкин, дея хабар беради журналист Жанлука Ди Марсио.
Манбага кўра, "Ювентус" 27 ёшли эронлик футболчига даъво қилмоқда. Турин клуби А Сериянинг сўнгги турида "Рома"га қарши ўйинда (4:3) жиддий жароҳат олган Федерико Кьезага ўринбосар қидирмоқда. "Юве" оз пулга ўйинчи сотиб олиш вариантини қидирмоқда, шунингдек, Европа Иттифоқига аъзо бўлмаган мамлакатлар ўйинчилари учун бепул слотга эга. Азмуннинг «Зенит» билан шартномаси 2022 йилнинг ёзида якунига етади.
Жорий мавсумда Азмун 21 та ўйинда майдонга тушиб, 10 та гол урди ва 4 та голли узатмани амалга оширди. Трансфермаркт портали футболчининг нархини 25 миллион еврога баҳоламоқда.
