Ўзбекистон чемпионатининг 2-туридан ўрин олган учрашувлардан бири Фарғона стадионида бўлиб ўтди ва унда "Нефтчи" футболчилари ўзх уйида Самарқанднинг "Динамо" клубини қабул қилди.
Дастлабки дақиқаларданоқ "Нефтчи" вакиллари олдинга ташланишди. 7-дақиқага келиб улар ҳисобда олдинга чиқиб олишлари мумкин эди. Бироқ Мансур Саидов жаримадан йўллаган зарбаси ноаниқ кўриниш олди.
Биринчи бўлимнинг қолган дақиқаларида ҳам улар олдинга ташланишди. Бироқ ҳимояда ишончли ўйнаган "Динамо" биринчи бўлимда ўз дарвозасидан тўп ўтказиб юбормади.
Иккинчи бўлимда барибир фарғоналиклар ўз ниятларига етишди. 57-дақиқада Ойбек Нурбоев қанотдан Иқбол Акрамов томон тўпни етказиб берди. "Нефтчи"нинг тажрибали футболчиси бу вазиятда аниқ ҳаракат қилиб ҳисобни очди.
Бу ўйиндаги ягона гол бўлиб қолди ва фарғоналиклар чемпионатдаги дастлабки ғалабани тантана қилишди.
ЎзПФЛ - 2012
2-тур
НЕФТЧИ - ДИНАМО 1:0 (0:0)
Гол: Иқбол Акрамов (57).
«НЕФТЧИ»: Фаррух Турдиалиев, Шукур Пўлатов, Дилёрбек Эрматов, Ойбек Нурбоев, Бахтиёр Ёқубов, Мансур Саидов, Иқбол Акрамов, Азиз Алижонов, Муҳсин Низомиддинов, Сардор Мирзаев, Отабек Исроилов.
«ДИНАМО»: Андрей Мельничук, Андрей Ерохин, Жамол Отақулов, Аҳрол Рисқуллаев, Леонид Кошелев, Дилявер Абибуллаев, Суннатилла Мамадалиев, Александр Хвостунов, Дилшод Жўраев, Сирожиддин Сайфиев, Рўзимбой Аҳмедов.
Ҳакамлар: М. Исмоилов (Тошкент), Т. Абдуллаев (Тошкент), А. Усмонов (Тошкент), Ш. Қосимов (Тошкент).
Назоратчи ҳакам: Ғ. Каримов (Тошкент).