Франция Евро-2012 трансляция ҳуқуқини ҳалигача сотиб олмаган ягона давлат бўлиб турибди. Бу ҳақда УЕФАнинг Евро-2012 бўйича тезкор бўлими директори Филипп Маргафф Париждаги Украина маданий-ахборот марказида чемпионат ўтадиган украин ва поляк шаҳарлари таништирув маросимида айтиб ўтди.
"Украина ва Польшада бўлиб ўтадиган Евро-2012 мусобақасига 78 кун қолганда Франция трансляциялар бўйича шартнома тузмаган ягона давлат бўлиб қолмоқда. Биз келишувга жуда яқин турибмиз. Ўйлайманки, шартнома амалга ошиши учун ҳамма шароит етарли", -дея унинг сўзларидан иқтибос келтиради "Украина-2012" Ахборот маркази.
