Лондоннинг “Арсенал” клуби ҳамон “Фиорентина” ҳужумчиси Душан Влаховични сотиб олишга уринмоқда. “Sky Sports” нашри хабарига кўра, “канонирлар” ўзларининг ҳозирги ҳужумчилари Пьер-Эмерик Обамеянг ва Александр Ляказеттнинг келажаги ноаниқ бўлганлиги учун улар янги форвард қидирмоқда.

Бу ойда “Фиорентина” футболчини қўйиб юбормоқчи эмас, бундан ташқари, футболчининг ўзи ҳам “Арсенал”га ўтишни истамаяпти. Влахович мавсум охирида серб билан оғзаки келишувга эга бўлган “Ювентус”га ўтмоқчи.

Жорий мавсумда Влахович А серияда 20 та ўйин ўтказиб, 16 та гол ва 2 та голли узатмани амалга оширди.