Каталониянинг "Барселона" клуби собиқ президенти Жоан Лапорта яқин келажакда ҳозирги бош мураббий Хосеп Гвардиоланинг клуб президенти лавoзимини эгаллашини айтди.
"Гвардиола - "Барселона"нинг навбатдаги президенти бўлади. Хави эса "Барселона"га бош мураббий бўлади. Пеп ҳамда Хави ҳозирги "Барселона"нинг юраги. Улар бунга ҳақлидирлар. Бу икки инсонсиз "Барса"нинг бугунги кунини ҳам, келажагини ҳам тасаввур қилиб бўлмайди", дейди собиқ президент.
Лапорта шунингдек, жамоанинг бугунги даражага чиқишига сабаб бўлган омилларни ҳам санаб ўтди.
"Барселона"нинг бугунги ютуқларини белгилаб берувчи тўртта асосий элемент мавжуд. Биринчиси бу - Каталония. Иккинчиси - Круифф. Яна иккитаси эса Ла Масия ҳамда ЮНИСЕФ. Афсуски ЮНИСЕФ ҳозир жамоанинг асосий ҳомийси эмас. Бу эса катта хатодир",- дейди Лапорта La Repubblica нашрига берган интервьюсида
