"Ювентус" ҳимоячиси ва сардори Жоржио Кьеллини "Интер" билан бўлиб ўтадиган Италия Суперкубоги учрашувидан олдин фикрлари билан ўртоқлашди.

“Мақсад сари ҳаракатланаётганда мувозанатни сақлаш керак. Охирги ўйинда ғалаба қозониш бизга муҳим адреналин берди, лекин бир нарсани унутмаслигимиз керак. Бу мавсумда бизда психологик муаммолар бор. Олдинда кубок учун ўйин кутиб турибди, бироз сабрли ва камтар бўлишимиз керак. Эртага ажойиб жамоага қарши ўйнаймиз. Нихоятда эҳтиёткор бўлишимиз керак. “Интер” жисмонан кучли ва техник жамоага эга. Эҳтиёткорлик ва диққатни жамлаган ҳолда бу жамоани мағлуб этишимиз мумкин", - деди Кьеллини.