"Yuventus" himoyachisi va sardori Jorjio Kyellini "Inter" bilan bo‘lib o‘tadigan Italiya Superkubogi uchrashuvidan oldin fikrlari bilan o‘rtoqlashdi.
“Maqsad sari harakatlanayotganda muvozanatni saqlash kerak. Oxirgi o‘yinda g‘alaba qozonish bizga muhim adrenalin berdi, lekin bir narsani unutmasligimiz kerak. Bu mavsumda bizda psixologik muammolar bor. Oldinda kubok uchun o‘yin kutib turibdi, biroz sabrli va kamtar bo‘lishimiz kerak. Ertaga ajoyib jamoaga qarshi o‘ynaymiz. Nixoyatda ehtiyotkor bo‘lishimiz kerak. “Inter” jismonan kuchli va texnik jamoaga ega. Ehtiyotkorlik va diqqatni jamlagan holda bu jamoani mag‘lub etishimiz mumkin", - dedi Kyellini.
