«Тоттенхэм» бош мураббийи Антонио Конте раҳбарият билан учрашув ўтказди. Ушбу ҳодисадан кейин Конте шундай дейди:
«Паратичи билан имкон борича яхшироқ ва кўпроқ суҳбатлашишга ҳаракат қиламан. Бу жуда ҳам муҳим нарса саналади. Мен бу каби суҳбатлар бўлишини ёқтираман. Аммо доимо ҳақиқатни айтишга ҳаракат қиламан. Мен чиройли ёлғондан кўра, аччиқ бўлсада, ҳақиқатни айтиш тарафдориман. Мен жамоани ўргандим ва уларга ўз фикримни баён қилдим. Ўйлайманки, учрашув яхши ўтди».
Аввалроқ Конте раҳбариятдан учта янги футболчи сотиб олишни сўрагани ҳақида хабар қилинган эди.
