"Қўқон-1912" жамоаси янги мавсумга тайёргарликнинг 2-босқич машғулотларини бошлашди. Жамоамизнинг бу босқичдаги машғулотлари Тошкент шаҳрида олиб борилиши ҳақида аввал хабар берган эдик. Кеча Тошкент шаҳрида йиғилган футболчиларимиз кечки пайт бир маҳал машғулот ўтказишган бўлса, бугундан машғулотлар икки маҳалдан олиб борилади. Куннинг биринчи ярмида тренажёр залида , куннинг иккинчи ярмида эса "Бунёдкор" академиясига қарашли майдонда тўп билан машғулотлар олиб борилади.
Жамоа таркиби аста - секинлик билан мукаммаллаштириб борилмоқда. Тошкентдаги йиғинда жамоамизнинг етакчилари Мурод Хомуҳаммедов, Александр Мерзляков, Қувондиқ Рўзиев, Ойбек Рустамовлар билан бирга таркибга бир қатор янги футболчилар ҳам қўшилишди. Қаршининг "Насаф", Бекободнинг "Металлург" жамоаларидаги ўйинлари билан мухлисларга яхши таниш бўлган ярим ҳимоячи Дилшод Раҳматуллаев, жамоамиз мухлисларига таниш бўлган ярим ҳимоячи Собит Синдаров, шунигдек ҳужумчи Санъат Шиховлар "шунқорлар"нинг машғулотларида иштирок этишяпти.
