Миланнинг "Интер" клуби бош мураббийи Клаудио Раньери истеъфога чиқарилди, дея хабар беради "нерадзуррилар"нинг расмий сайти.
Айни вақтда "Интер"нинг ёшлар таркибини шуғуллантириб келган Андреа Страмаччиони бош мураббий вазифасини бажарувчи этиб тайинланган.
Эслатиб ўтамиз, Раньери ўтган йилнинг кузида Жан Пьеро Гасперини ўрнига "Интер" жамоаси бошқарувига келган эди. Айни пайтда клуб 41 очко жамғарган ҳолда "А" Серияда 8-ўринда бормоқда. Европа чемпионлар Лигасида эса клуб нимчорак финал босқичида Франциянинг "Марсель" клубига икки ўйин йиғиндисига кўра ютқазиб, мусобақани тарк этган эди.
Эслатиб ўтамиз, кун давомида клуб президенти Массимо Моратти мураббий Раньери мавсум сўнгига қадар клубда қолиши ҳақида ҳам баёнот берган эди.
