Акбар Усмонов (“Локомотив” жамоаси футзалчиси, тўпурарлар рўйхатида пешқадам) АГМК билан кечадиган ўйиндан олдин фикрлари.

- АГМК билан кечадиган турнинг марказий ўйинига тайёрмиз. Таркибимизда жароҳатланган футзалчилар бор. Шунга қарамай, жамоавий руҳ жуда баланд. Ўтган турдаги мағлубият учун реванш олишга ҳаракат қиламиз.

Бу ўйиндаги 3 очко кўп нарсага ойдинлик киритади. Менинг фикримча, чемпионлик учинчи давра ўйинларида ҳал бўлса керак.

АГМК жамоасида тажрибали ўйинчилар кўп, терма жамоага мунтазам равишда жалб қилинади.

Учрашув оғир ўтиши аниқ. Кучли жамоа ғалаба қозонади.