«Челси» бош мураббийи Томас Тухель «Тоттенхэм»га қарши кимлар ҳужумда ҳаракат қилиши мумкинлиги ҳақида гапирди. У Лукаку ҳамда Вернер бирга ҳаракат қилишига ишора қилди:
«Биз «Челси»миз. Бизда ўзига хос услуб мавжуд ва ҳар доим бўлган. Шундай экан, «Тоттенхэм»га қарши ўз режаларимиз мавжуд. Масалан, икки ҳужумчи билан, 5-3-2 тизимида ўйнай оламиз. Бундай тизимда кўп марта ҳаракат қилиб кўрганмиз. Балки биринчи ўйиндаги каби 4-4-2 кўринишидан фойдаланармиз. Нима бўлганда ҳам футболчилар рақибга мослашиши лозим. Улар майдонда эканини ҳис қилиши даркор».
«Челси» лига кубоги ярим финалининг дастлабки учрашувида 2-0 ҳисобида ғалаба қозонган эди.
