Бугун барчамизнинг нигоҳимиз Вьетнамга қаратилади. Ҳали имконият бор экан, умид қилаверамиз, чарчамаймиз. Мухлисларимиз орасида энг сўнгги дақиқагача умид қиладиганлар кўп. Шундай мухлислардан бири Хуррам Шодмонов электрон почтамизга дилидан кечганларини шеърий усулда ёзиб юборибди. Эътиборингизга шу шеърни ҳавола қилган ҳолда, Олимпия терма жамоамизга ҳам омад ёр бўлишини тилаб қоламиз. Бугун Спорт канали орқали 18.00дан бошлаб намойиш этиладиган Ўзбекистон ва Сурия олимпия терма жамоалари ўртасидаги ўйин ёдингиздан кўтарилмасин.
Олға,олимпиячилар!
Умид ҳали сўнмаган,
Шаштимиз ҳам синмаган,
Майдонда ҳеч тинмаган,
Олға, олимпиячилар!
Бўлади бироз оғир,
Лекин сизлар - зўр, моҳир,
Лондон кутяпти ахир!
Олға, олимпиячилар.
Эсда қолсин шу ҳафта,
Бардам турингиз сафда,
Кутар Лондонга чипта,
Олға, олимпиячилар!
Сенегални ҳам ютинг,
Бизларни хурсанд этинг,
Мақсадингизга етинг.
Олға, олимпиячилар!
Хуррам Шодмонов, Бўка тумани
