«ПСЖ» ҳимоячиси Преснел Кимпембенинг Париж клуби билан шартномаси 2024 йилнинг ёзида ўз якунига етади.

Томонлар бир неча ҳафта олдин музокаралар столига ўтириб, мумкин бўлган муддатни узайтириш масаласини муҳокама қилишган, бироқ улар бир муросага кела олмади.

Бундан ташқари, айни дам раҳбарият Кимпембени яқин келажакда қандай сотиш ҳақида ўйлай бошлаган. Бу ҳақда нуфузли француз нашрлари ўз саҳифаларида маълум қилди.

Аниқлик киритиб ўтиш жоизки, 26 ёшли футболчига аввалроқ «Челси» қизиқиш билдирганди. Transfermarkt экспертлари эҳтимолий келишувни 40 миллион еврога баҳолаган.