ПСЖ ҳужумчиси Лионель Месси Франция 1-лигасининг 21-туридан ўрин олган “Брест”га қарши ўйинни ўтказиб юбориши мумкин, деб хабар бермоқда "Le Parisen".
Манба берган хабарга кўра, бугун, 12 январь куни аргентиналик футболчи индивидуал машғулотларни давом эттирди. Аввалроқ, Месси коронавирусдан сўнг тикланишда давом этаётганлиги сабабли ПСЖ – “Лион” учрашувини (1:1) ўтказиб юборган эди.
Дарвозабон Жанлуиджи Доннарумма, шунингдек, ярим ҳимоячилар Анхель Ди Мария, Данило Перейра ва Юлиан Дракслер ПСЖ умумий гуруҳида машғулотларга қайтишди. Барча футболчилар аввалроқ коронавирус инфекциясидан азият чекишганди.
