Ансу Фати “Барселона” сафига қайтди ва шу заҳотиёқ “Реал” дарвозасига гол урди. Тўғри, у жамоанинг ғалаба қозонишига ёрдам бермади, аммо “Барса” устози Хави Фатининг ҳаракатларидан жуда мамнун:

 - Сафга қайтганларнинг барчаси бизга катта ёрдам беришди, Ансу жарима майдончаси ичида вазиятни кескинлаштириб, гол уришга қодирлигини кўрсатди. У бизнинг даражамизни кўрсатди ва вазиятни сезиларли даражада яхшилади, - дея Хавининг сўзларини келтиради “football-espana.net” нашри.

Шубҳасиз, Фати ва бошқа таркибга қайтган ўйинчилар, мавсум охирида кучли тўртликдан жой олиш учун курашда жамоага катта ёрдам беради, деб қўшимча қилади мутахассис.