Уругвайлик ҳимоячи Диего Годин нима учун «Кальяри»ни тарк этганини тушунтирди. Унинг фикрича, клуб раҳбарияти билан муаммо юзага келган.
«Клубда айрим менежерлар бор эдики, улар ўзларининг ҳақиқий муаммоларини тан олиш ўрнига, ҳамма айбни менинг зиммамга юклашга ҳаракат қилдилар.
Улар менинг профессионаллигим, фидойилигим ва бу либосга бўлган ҳурматимга шубҳа билан қарашди. Бу эса янги шартнома имзолашимга тўсқинлик қилди. Бундан буён мен бу клубда ўйнамайман, лекин «Каляри»га мухлислик қиламан», - дейди Годин.
