Англиянинг “Манчестер Юнайтед” клуби Франциянинг ПСЖ клуби бош мураббийи Маурисио Почеттино билан музокара олиб борди. Аргентиналик мутахассис бу ўрин учун асосий даъвогар бўлиб қолмоқда. Бу ҳақда “Le Parisien” нашри хабар бермоқда.
Англия жамоасининг ҳозирги бош мураббийи Ральф Рангник бўлиб, жорий мавсум охиригача бу лавозимни вақтинчалик эгаллаб турибди. Немис мутахассиси бу лавозимда Оле-Гуннар Сульшер ўрнига келган.
49 ёшли Почеттино ўтган йилнинг январь ойидан бери француз клубини бошқариб келмоқда. Бу вақт ичида ПСЖ 63 та ўйин ўтказиб, Франция Суперкубогини қўлга киритди. Почеттинонинг шартномаси 2023 йилнинг ёзида якунига етади. Аввалроқ, ПСЖнинг кўплаб футболчилари аргентиналик футболчининг ишидан норозилик билдиришаётгани ҳақида хабар берилганди.
