Италия кубоги 1/8 финалида “Женоа” “Милан”га имкониятни бой берди (1:3). Генуя клуби Андрей Шевченко бошчилигида навбатдаги мағлубиятни қабул қилиб олди.

Украиналик мутахассис учун бу Генуя клуби бошидаги еттинчи мағлубиятдир. Жамоа уч марта дуранг ўйнади ва бир марта ғалаба қозонди - кубокнинг олдинги босқичида "Салернитана"га қарши ўйинда (1:0). А Серияда “Женоа” ҳали Шевченко билан ғалаба қозона олгани йўқ.

Генуя клуби Италия чемпионатида 12 очко билан 19-ўринда бормоқда. 17 январь куни жамоани "Фиорентина" билан ўйин ўтказади. Аввалроқ украиналик собиқ футболчи "Милан" билан ўйин натижаси қандай бўлишидан қатъий назар истеъфога чиқарилиши мумкинлиги ҳақида хабар берилганди.