Шундан сўнг, клуб даражасидаги ишлар анча тез ёмонлаша бошлади. Рой Хожсон бошчилигида "Ливерпуль" клуб тарихидаги қоронғу кунларни бошлади. Ҳужумчининг ўйин сифати ўз позициясидан норозилиги туфайли кескин тушиб кетди. «Ливерпуль» клубидаги фаолияти давомида бирорта ҳам соврин юта олмаганлиги учун унинг умидсизликлари оқланган. Мухлислар шунда ҳам Торресни олқишлашар ва уни ҳолатини тушунишар эди.
2011 йилнинг 27 январида "Челси" футболчига 40 миллион фунт стерлинг таклиф қилган. Трансфер рад этилди. Эртаси куни Фернандонинг ўзи “Ливерпуль” раҳбариятидан уни “Челси”га сотишини соради. Унинг фикри инобатга олинмади. Аммо, охир-оқибат, лондонликлар “қизиллар”ни кўндирди ва 2011 йилнинг 31 январида Фернандо Торрес 58 миллион фунт стерлинг эвазига "Челси" футболчисига айланди.
Бу трансфер Торрес фаолиятининг таназзулини кўрсатди, бу "жарликка қулаш"нинг бошланиши эди, вақт ўтиши билан у Европанинг барча жамоаларини даҳшатга соладиган ҳужумчидан оддий футболчига айланди. Унинг Энфилддан кетишига мухлислар шунчаки қараб тура олишмади. Уни сотқин дейишди ва Торрес исми туширилган либосларни оловга отишди.
Ҳеч бир ўйинчи Стивен Жеррард каби садоқат ва фидойиликни ўзида мужассам этган эмас, аммо "Ливерпуль" сардорининг сўзлари Торресга клубни тарк этиш қарорида ёрдам берди: "Ўзинг ҳақингда ўйлаб кўр ва сен учун энг яхшисини қил. Сен “Ливерпуль” учун қўлингдан келган ишни қилдинг."
Баъзилар Торреснинг қарорини содиқликдан кўра пулга асосланган худбинлик деб билишади. Аслида, Жерард ҳақ эди; Торресда исботлаш учун ҳеч нарса йўқ эди. Унинг ҳаракатлари “Ливерпуль”ни шон-шуҳратга олиб чиқиш учун камлик қилди, клуб жиддий нарса учун кураша олмаганида унинг айби йўқ эди. Фернандо ўзининг чўққисида эди, у энг юқори савияда ўйнашни, совринлар учун курашишни хоҳларди. Футболчилик фаолиятининг катта қисми ортда қолган Торрес соврин ютишни исташи турган гап эди.
Шаҳарга бўлган муҳаббатига қарамай, у Жерард каби клубга садоқатли бўлиб қола олмади. "Ливерпуль"ни тарк этиш унинг мухлислар билан муносабатларини бузди. Торрес ўзининг Мерсисайддаги обрўсига путур етказса-да, карерасини давом эттиришга қарор қилди. Жеррард у Тўғри қилганини айтган эрса-да "Ливерпуль" мухлислари орасида ғазаб ва хиёнат ҳисси йўқолмади.
Испаниялик футболчи янги клуби учун 900 дақиқадан кўпроқ гол ура олмади ва кейинги мавсумда унинг голсиз даврларидан бири деярли беш ой давом этди. Бу тиззасидаги жароҳат оқибати бўладими ёки "Ливерпуль"ни тарк этишнинг ҳиссий ва психологик таъсири бўладими? Буниси номаълум.
Унинг "Челси" либосидаги энг яхши лаҳзалари 2012 йилнинг апрел ойида бўлган. Торрес Чемпионлар лигаси ярим финалида “Барселона” дарвозасига гол урган, кейин эса “кўклар” финалда “Бавария”ни мағлуб этган. Шу тариқа “Эль Ниньо” ва “аристократлар” Чемпионлар лигасини ютган.
2012 йилги УЕФА Европа чемпионатида Торрес халқаро майдонда яна майдонга тушиб, “Олтин бутса”ни қўлга киритган бўлса, Испания финалда Италияни 4:0 ҳисобида мағлуб этиб, кетма-кет учинчи йирик кубокни қўлга киритди. Фернандо ўша ўйинда захира ўриндиғида эди, лекин майдонга тушди ва гол урди.
2012 йилда "Челси"да Рафа Бенитес иш бошлаши Торресга ёрдам бериши кутилган эди.
Торреснинг энг яхши формасига қайтишга қодир эмаслиги аниқ бўлган. Жозе Моуриньо қўл остидаги 2013-14 йилги омадсиз мавсумдан сўнг, Торрес 2014 йилнинг август ойида янги муаммо унинг тўхтаб қолган фаолиятини жонлантириши мумкин деган умидда ижара асосида "Милан"га қўшилди. Ярим мавсум ва бир голдан сўнг, Милан уни сотиб олди ва уни “Атлетико Мадрид”га ижарага бериб юборди.
Давоми бор.
