"Фиорентина" раҳбари Барон жамоа ҳужумчиси Влахович келажаги ҳақида фикр билдирди. У шундай дейди:
"Биз Душанни ўз келажаги борасида тезроқ қарор қабул қилишини истаймиз. Бизга уни қолиш ёки қолмаслиги ҳақидаги жавоби жуда зарур. Биз бундан икки кун олдин футболчидан қарор қабул қилиши кераклиги ва уни жамоатчиликка ошкор қилишини сўраган эдик. Биз Влахович учун таклиф этиладиган сўровларни кўриб чиқишга тайёрмиз. Аммо ҳозирга қадар ҳеч қандай расмий таклиф берилмаган".
Эслатиб ўтамиз, Влахович учун "Арсенал" энг катта даъвогар саналади. Ҳужумчи бу мавсумдаги 20та ўйинида 16та гол уришга эришган.
