Африка футбол конфедерацияси Тунис ҳамда Мали ўртасидаги баҳс юзасидан якуний қарор чиқарди. Ташкилот баёнотида шундай дейилади:

"Тунис терма жамоаси ва ўйин расмийларининг барча еътирозларини ўрганиб, ташкилот қўмитаси шундай қарор қилади:
- Тунис терма жамоаси норозилиги рад этилади;
- Ўйиннинг 1-0 ҳисобида Мали фойдасига тугаган натижаси сақлаб қолинади".

Эслатиб ўтамиз, 12 январда ўтказилган учрашувда, бош ҳакам Жанни Сиказве (Замбия) 85 ҳамда 90 дақиқаларда икки марта ўйинни қайтадан якунлаган эди. Ушбу баҳсли вазият Тунис термаси норозилигига сабаб бўлган.