Afrika futbol konfederasiyasi Tunis hamda Mali o‘rtasidagi bahs yuzasidan yakuniy qaror chiqardi. Tashkilot bayonotida shunday deyiladi:

"Tunis terma jamoasi va o‘yin rasmiylarining barcha ye’tirozlarini o‘rganib, tashkilot qo‘mitasi shunday qaror qiladi:
- Tunis terma jamoasi noroziligi rad etiladi;
- O‘yinning 1-0 hisobida Mali foydasiga tugagan natijasi saqlab qolinadi".

Eslatib o‘tamiz, 12 yanvarda o‘tkazilgan uchrashuvda, bosh hakam Janni Sikazve (Zambiya) 85 hamda 90 daqiqalarda ikki marta o‘yinni qaytadan yakunlagan edi. Ushbu bahsli vaziyat Tunis termasi noroziligiga sabab bo‘lgan.