“Вулверхэмптон” вингери Адама Траоре бошқа инглиз клубига ўтиши мумкин. “Тоттенхэм” ҳужумкор яримҳимоячини сотиб олиш учун асосий номзод, деб ёзади инсайдер Николо Скира ўзининг твиттер саҳифасида.
“Шпорлар” раҳбарияти жорий мавсум якунига қадар 25 ёшли футболчини ижарага олишни режалаштирмоқда. Шунингдек, келишувда лондонликлар футболчини кейинчалик сотиб олиш бўйича банд ҳам бўлиши мумкин. “Тоттенхэм” Траорега 2026 йилгача амал қиладиган шартнома таклиф қилмоқчи.
“Челси” Адама учун баҳсда “шпорлар”нинг асосий рақиби саналади.
Маълумот ўрнида, испаниялик футболчи ушбу мавсум Премьер-лигада 18 та ўйинда майдонга тушган.
