Саудия Арабистонининг Ар-Риёд шаҳрида 11 январдан 17 январга қадар Осиё футбол конфедерацияси таркибига кирувчи ассоциациялар Бош котиблари учун конференсия бўлиб ўтмоқда. Унда ЎФА Бош котиби Аваз Максумов ҳам иштирок этмоқда.
Конференсия доирасида қитъада футболни янада ривожлантириш, футбол ассоциациялари фаолиятини яхшилашга кўмаклашиш каби мавзулар юзасидан ўзаро фикр алмашилмоқда.
Конференсияда бир қатор нуфузли ташкилотлар, хусусан ФИФА ва УЕФА вакиллари, шунингдек, ташкилий қўмита таклифига биноан, Ўзбекистон футбол ассоциацияси биринчи вице-президенти Равшан Эрматов ва вице-президент Одил Аҳмедов ҳам иштирок этмоқда.
