Ҳар қайси замонда ҳам қонунлар доимо ҳал қилувчи сўзни айтган. Ҳатто, футбол ушбу қарорларга қарши чиқа олмайди. Футбол тарихида шундай воқеалар бўлганки, бу сизни ҳайрон қолдириши шубҳасиз. Улардан бири Камерун терма жамоаси билан содир бўлган. Терма жамоа икки маротаба ўзлари учун тайёрланган махсус формаларни кийишдан маҳрум этилган. Бундай ҳолат тарихда бир неча марта такрорланган. Ушбу таъқиқлар маълум мамлакат қонунлари ёки урф-одатларига мос келмагани ёхуд футбол ташкилотлари қарашларига зид бўлгани туфайли келиб чиққан. Қуйида сизларга ана шундай ҳолатга тушган жамоаларни тақдим этамиз.

1. «Фиорентина» – 1993-94 йиллар. «Lotto» компанияси томонидан тайёрланган меҳмон учун форма

Изоҳ: ушбу либос текширилганида, унда акс этган тимсол ва рангларда нацизм (фашизм) белгиси борлиги аниқланади.

2. Камерун – 2002 йил. «Puma» томонидан тайёрланган уй либоси

Изоҳ: ФИФА ушбу махсус енгсиз кийимни турнир қоидаларига мос келмагани сабаб, фойдаланишни тақиқлаб қўйган эди.

3. Камерун – 2004 йил. «Puma» томонидан тайёрланган уй либоси

Изоҳ: ғарбий Африка вакиллари мазкур ўзига хос байроқ рангидаги либосни тайёрлашган эди. Аммо ФИФА яна бир бор ушбу формаларга тақиқ қўяди. Ташкилот «барча футболка ҳамда шортиклар алоҳида либос элементларига эга бўлиши керак» деб ҳисоблаган эди.

4. Бразилия – 2013 йил. «Nike» томонидан тайёрланган учинчи рақамли либос

Изоҳ: Бразилия Футбол иттифоқи ушбу либосда қадимий қоидалар акс этгани сабаб, уни кийишни тақиқлаб қўяди. Чунки футболка ранги бутунлай қорага бўялганди. Шу сабаб, ўша йилда бразилияликлар уйда фақат сариқ, меҳмонда эса кўк либослардан фойдаланишган.

5. Аргентина – 1994-95 йиллар. «Adidas» томонидан тайёрланган уй либоси

Изоҳ: умуман олганда, либос Аргентинанинг анъанавий рангида ишлангандек кўринади. Аммо унга яхшилаб разм солинса, футболканинг оқ ҳамда мовий ранглар кесишмасида қора ранг ҳам аралашиб қолганини пайқаш мумкин. Бу нарса ўз навбатида Аргентина Футбол бирлашмасининг норозилиги ва чекловига сабаб бўлади.

Исматов Ж.