Ярим ҳимоячи Луис Нани "Венеция" футболчисига айланиши кутилмоқда. Клуб ярим ҳимоячига жорий мавсум охиригача шартнома таклиф қилган ва 35 ёшли португалиялик бу таклифни қабул қилишга тайёр, дея хабар беради журналист Николо Скира.
"Манчестер Юнайтед"нинг собиқ футболчиси Нани аввалроқ Италиянинг "Лацио" жамоасида ўйнаган. 2017/18 йилги мавсумда Нани Рим клуби сафида барча мусобақаларда 25 та ўйин ўтказиб, 3 та гол ва 3 та голли узатмага муаллифлик қилган.
Футболчининг сўнгги клуби MLSнинг "Орландо" жамоаси бўлган. Ярим ҳимоячи у ерда 88 ўйинда 31 та гол урди ва 25 та голли узатмани амалга оширди.
