"Манчестер Юнайтед"нинг бир қатор футболчилари Англия кубоги 3-босқичида "Астон Вилла"га қарши ўйинни (1:0) жароҳати туфайли ўтказиб юборган эди. Энди улар Стивен Жеррард жамоаси билан яқинлашиб келаётган АПЛнинг 22-турида майдонга тушишлари мумкин бўлади.
Учрашувда ҳужумчи Криштиану Роналду, вингер Жейдон Санчо, шунингдек, ҳимоячилар Гарри Магуайр ва Фил Жонслар иштирок этишлари мумкин, деди “Юнайтед” бош мураббийи Ралф Рангник.
"Ўйлайманки, улар эртага майдонга тушишлари мумкин. Барча футболчилар жамоавий машғулотларда машқ қилишди. Криштиану кеча ҳам умумий гуруҳда машғулот ўтказган. Магуайр? Бугун кечқурун бўлиб ўтадиган ўйинолди машғулотларни кутишимиз керак, аммо менимча, улар эртанги ўйинга тайёр бўлишлари керак", - деди немис.