“Манчестер Сити” бош мураббийи Хосеп Гвардиола Дортмунднинг “Боруссия” клуби ҳужумчиси Эрлинг Холандни ўз жамоасида кўрмоқчи, дея хабар беради "AS".
Манбанинг маълум қилишича, норвегиялик футболчи "Барселона"га жўнаб кетган Ферран Торресга яхши ўринбосар бўлиши мумкин. Бироқ футболчининг ўзи фаолиятини "Реал"да давом эттирмоқчи. У агентига Мадрид клубида Килиан Мбаппе билан бирга ўйнашни хоҳлашини айтган.
Жорий мавсумда футболчи “Боруссия” сафида 16 та ўйинда майдонга тушиб, 19 та гол урди ва 5 та голли узатмани амалга оширди. Ҳужумчининг Дортмунд клуби билан шартномаси 2024 йилнинг 30 июнига қадар мўлжалланган. Трансфермаркт портали уни 150 миллион еврога баҳоламоқда.
