Айрим хориж клублари Миланнинг “Интер” клуби бош мураббийи Симоне Индзагига қизиқиш билдирмоқда, деб хабар беради "Correira Dello Sport".
Манбага кўра, "Атлетико" ва "Манчестер Юнайтед" италиялик мутахассис вакиллари билан аллақачон алоқага чиққан.
Қайд этилишича, айни пайтда “Интер”нинг ўзи мураббийни жамоада олиб қолмоқчи ва унга 2025 йилгача маошини икки баробар ошириб, янги шартнома таклиф қилишга тайёр. Симоненинг ҳозирги маоши йилига 3 миллион еврони ташкил қилади.
Манбага кўра, Индзагининг ўзи Италиядан ташқарида ишлашга қарши эмас ва бунинг учун у инглиз тилини ўрганишни бошлаган.
