«Манчестер Юнайтед» ҳужумчиси Антони Марсьяль ушбу трансфер ойнаси вақтида жамоани тарк этиши мумкин.

Manchester Evening News хабарига кўра, агар футболчи учун фойдали таклиф тушадиган бўлса, клуб шу ойда франциялик футболчини ижарага бериб юборади.

Эҳтимолий клуб Марсьяльнинг маошини тўлиқ тўлашга тайёр «Қизил иблислар» унга қизиқиш билдирган клублардан етти миллион евродан кўпроқ пул талаб қилади.

Эслатиб ўтамиз, жорий мавсум Премьер-лига баҳсларида Марсьяль 7 марта майдонга тушди.

Ушбу учрашувларда франциялик ҳужумчи фақат битта гол уришга муваффақ бўлган. Футболчининг кетиши мумкинлиги ҳақидаги миш-мишлар кузда пайдо бўлган эди.