«Зенит» ҳужум чизиғини кучайтириш учун турли вариантларни кўриб чиқишда давом этади.

Олдинроқ клуб «Унион Берлин»нинг нигериялик ҳужумчиси Тайво Авонийига қизиқиш билдираётгани ҳақида хабар берилганди, энди эса яна бир номзод ҳақида хабарлар малум бўлди.

Гап  «Нью-Инглэнд Революшн» ва Полша терма жамоаси ҳужумчиси Адам Букса ҳақида кетмоқда. Бу ҳақда журналист Жанлуиджи Лонгари ўзининг Твиттеръдаги саҳифасида маълум қилди.

25 ёшли футболчи бутун профессионал фаолиятини Полша чемпионатида ўтказган ва 2020 йилнинг қишида МЛСга ўтган эди. Ўтган мавсумда у жамоаси сафида 31 та ўйинда майдонга тушиб, 16 та гол уришга эришди.