«Манчестер Юнайтед» собиқ ҳимоячиси Рио Фердинанд «манкунианлар» муҳитида содир бўлаётган воқеаларга муносабат билдирди.

Эслатиб ўтамиз, ўтган куни инглиз матбуоти жамоадаги бир қатор футболчиларнинг раҳбариятдан норози экани ҳақида хабар берган эди.

«Бундай буюк клубда ўйнаш. Унинг атрофида тартибсизлик яратиш яхши эмас. Уэйн Руни бир марта шунга ўхшаш ҳолатни тартибга солишга ҳаракат қилганди.

Футболда икки турдаги ўйинчилар мавжуд. Баъзилар ўзларини ҳурматини жуда яхши билади. Масалан, Донни ван де Бек.

Иккинчи турдагилар эса оммавий ахборот воситаларида клубдаги ички гапларни ошкор қилиб қўйишади, кийим алмаштириш хонаси ва машғулотларда келишмовчиликларни келтириб чиқарадилар.

Мен улардан имкон қадар тезроқ халос бўлишни хоҳлайман», - дейди Фердинанд.