Габон терма жамоаси бош мураббийи Патрис Невё Обамеянг билан боғлиқ хабарларга изоҳ берди. У футболчи ҳақида шундай дейди:

"Буни очиқ айтиш керак, Обамеянгда юрак билан боғлиқ муаммо мавжуд эмас. У ҳамда Лемина ПЦР тест топширишди. Натижалар эса биз кутгандек, салъбий чиқди. Улар кейин юрак тестидан ўтишди. Ўшанда ушбу жуфтликда қандайдир муаммо борлиги аниқланди. Бу эса вирусдан қолган аломат сифатида қаралади. Албатта, ҳар қандай хасталик ўзидан из қолдиради. 

Ушбу хабарни эшитган ташкилотчилар ва шифокорлар футболчиларни ўйинга қўймаслик кераклигини айтишди. Мен уларни ўйинга туширмадим. Чунки улар тайёр эмас. Мен эса ўз футболчиларимни ҳимоя қилишим керак. Мен бунга масъулман. Обамеянг ўйнашни истаган эди, бироқ вазият бошқа нарсани тақозо этди".

Габон сўнгги ўйинида Гана билан 1-1 ҳисобида дуранг қайд этди.