Бугун тунда "Астон Вилла" ҳамда "МЮ" ўртасида АПЛнинг 22 туридан ўрин олган баҳси бўлиб ўтади. Ушбу учрашувда мезбонлар ўзининг 67 йиллик "қора анъана"сига чек қўйиш имконига эга бўладилар.
Агар ўйин "Астон Вилла" фойдасига ҳал бўлса, у ҳолда Стивен Жеррард шогирдлари 67 йилдан бери илк маротаба "МЮ" устидан АПЛнинг ҳар икки даврасида ғолиб чиққан бўлишади.
Бирмингем клуби "МЮ"га қарши сўнгги 22та уй учрашувида ғалаба нима эканини билмай келмоқда. Охирги марта бу жамоа 1954-55 йилги мавсумда бу ишни уддалай олган.
Эслатиб ўтамиз, жорий мавсумдаги ушбу жуфтликлар ўртасида кечган биринчи даврдаги баҳс "Астон Вилла"нинг 1-0 ҳисобидаги минимал ғалабаси билан якунланган (25.09.21).
