«Бавария» Бундеслиганинг 19-турида «Кьёлн»ни мағлуб этмоқда (4:0, иккинчи бўлим).

Мюнхенликлар яримҳимоячиси Томас Мюллер бу ўйинда иккита голли узатмани амалга оширди - ҳужумчи Роберт Левандовскига 9-дақиқада ва ярим ҳимоячи Корентин Толиссога 25-дақиқада самарали узатмаларни амалга оширди.

Мюллер 2008 йилнинг 15 августидан буён Бундеслигада «Бавария» сафида ўйнаб келмоқда ва бу вақт оралиғида 150 та голли узатмани амалга оширган.

Бу даврда Европанинг топ-5 лигалари орасида фақатгина бир футболчи уни ортда қолдиришга муваффақ бўлган – Лионель Месси.

Аргентиналик футболчи Ла Лигада «Барселона» ва Лига 1да «ПСЖ» билан ўйинларда 180 та голли узатмани амалга оширган.