«Манчестер Юнайтед»нинг собиқ ҳужумчиси Димитар Бербатов жамоа бош мураббийи Ралф Рангник ҳақида ўз фикрлари билан ўртоқлашди.
«Манчестер Юнайтед» ҳали кўп жиҳатдан яхшиланиши керак. Рангник ҳақида ҳали ҳам тўлиқ ишончим комил эмас.
У ҳеч қачон «Манчестер Юнайтед», «Барселона», «Бавария» каби ҳақиқатан катта клубларга мураббийлик қилиб кўрмаган. Бу дунёдаги энг йирик клублардан бири. Шунинг учун шошқалоқлик билан иш тутиб бўлмайди.
Ҳозирча унинг ишлари одамлар кутгандек бўлгани йўқ. Аммо Клопп ва Тухель ўз жамоалари билан нималарга эришганига қаранг. Рангникда ҳам бунга ҳамма имкониятлар мавжуд ва у буни исботлаши керак», - дейди Бербатов.
