"Манчестер Юнайтед" бош мураббийи Ральф Рангник ҳужумчи Криштиану Роналдуни "Астон Вилла"га қарши АПЛ 22-тури учун қайдномага киритмаслик ҳақидаги қарорига изоҳ берди.
“Кеча машғулот олдидан Роналдуда ҳали ҳам сон қисмида муаммолар бор эди ва биз у машғулотларда қатнашмасликка қарор қилдик.
Кейин мен у билан яна гаплашдим ва муаммолар ҳал этилмагани учун уни (Бирмингемга) саёҳатга ўзимиз билан олиб боришдан маъно йўқ деган қарорга келдик. Умид қиламанки, у чоршанба куни ("Брентфорд"га қарши) ўйнай олади”, – деди немис мутахассиси.
