"Челси" тарбияланувчиси Льюис Бейкер "Сток Сити" билан шартнома имзолади. Бу ҳақда инглиз клуби матбуот хизмати расмий сайтида хабар берди.
26 ёшли Бейкер саккиз ёшида "Челси" академиясига келиб қўшилди. Инглиз клубининг асосий жамоаси учун ярим ҳимоячи атиги икки марта майдонга тушди. Биринчиси 2014 йилнинг 5 январида Англия кубоги доирасида "Дерби Каунти" билан ўйинда (0:2) юз берди, унда Бейкер уч дақиқани майдонда ўтказди. Иккинчиси 2022 йилнинг 8 январида, Англия кубоги баҳсида "Честерфилд" билан (5:1, 31 дақиқа майдонда).
Маълумот учун, "Челси" Бейкерни 2015 йилдан бери саккиз марта ижарага берган. Бу сафар клуб шартномаси шу мавсум охирида тугайдиган футболчини тўлиқ сотишга қарор қилди. Трансфер суммаси ҳақида хабар берилмаган.
