Испаниянинг “Барселона” клуби “Ливерпуль” ҳужумчиси Роберто Фирмино билан шартнома имзолаш вариантини кўриб чиқмоқда. Маълумотларга кўра, инглиз клуби бразилиялик футболчини 20 миллион еврога сотишга тайёр, деб хабар беради “El Nacional”.
30 ёшли Фирмино 2015 йилнинг ёзида “Хоффенхайм”дан 41 миллион евро эвазига “Ливерпуль”га келиб қўшилган эди. Ҳужумчи жорий мавсумда АПЛнинг 11та ўйинида майдонга тушиб, 4та гол урди ва 2та голли узатмани амалга оширди. Шунингдек, у Чемпионлар лигаси гуруҳ босқичининг учта ўйинида иккита гол урди.
Фирминонинг шартномаси 2023 йилда тугайди, Трансфермаркт бразилиялик футболчини 38 миллион еврога баҳолаган.
