Ҳужумчи Усмон Дембеле “Барселона” билан янги шартнома борасида келиша олмаяпти.

Форвард “кўк-анорранглилар” раҳбариятига уларнинг шартлари бўйича шартномани имзоламаслиги ҳақида хабар берди. Франциялик футболчи январда Каталония клубини тарк этишни режалаштирмаяпти, бироқ ёзда жамоадан текинга кетмоқчи.

Дембеле “Барселона”да 5 йил давомида шартнома асосида 200 миллион евро ишлаб олмоқчи (мавсумига 40 миллион евро). Бундан ташқари, Усмон янги шартнома имзолаганидан сўнг ўзи ва агенти 20 миллион евро бонус олишларини таъкидламоқда. “Барселона” бундай шартларни қабул қилишга тайёр эмас.

Дембелега Европанинг баъзи топ клубларидан таклифлар бор, улар ёзда футболчини текинга ўз сафига қўшиб олишлари мумкин.