"Бавария" ҳужумчиси Роберт Левандовски Бундеслиганинг 19-туридан ўрин олган "Кёлн"га (4:0) қарши ўйинга сарҳисоб қилди. Ушбу учрашувда футболчи учта гол урди.
"Биринчи дақиқаларданоқ гол уриш ва ғалаба қозониш учун келганимизни яққол кўрсатдик. Дарҳол ҳужум қилиб, вазиятлар яратиб, гол уришни истардик. Биз режалаштирган ҳамма нарса амалга ошди. Бироқ, "Кёлн" яхши футбол кўрсатди, ўйин мухлисларимиз учун яхши бўлди", - дея Левандовскининг сўзларидан иқтибос келтиради "Бавария" матбуот хизмати.
"Бавария" 46 очко билан Бундеслигада пешқадамлик қилмоқда, "Кёлн" 28 очко билан саккизинчи ўринда.
