Британия матбуоти ҳужумчи Муҳаммад Салоҳнинг “Ливерпуль” билан янги шартнома борасидаги талабларидан хабардор бўлди. “The Mirror” нашри хабарига кўра, агар мерсисайдликлар клуби унга ҳафтасига 400 минг фунт, яъни ҳозир олаётганидан қарийб икки баравар кўп маош тўласа, мисрлик футболчи ҳамкорликни узайтиришга тайёр.
“Ливерпуль” Салоҳ билан шартномани футболчи илгари сурган шартлар асосида узайтирмоқчи эмас. Томонлар ўртасидаги амалдаги келишув 2023 йилнинг ёзида якунига етади.
Инглиз матбуотининг ёзишича, Салоҳнинг матбуот котиби Рами Аббос Исса ўз мижози учун “Ливерпуль”дан Криштиану Роналду “Манчестер Юнайтед”да (500 минг фунт) ёки Кевин Де Брюйне “Манчестер Сити”да (400 минг фунт) оладиган маошга яқин маош талаб қилмоқда. .
